Den tidlegare statsministeren vedgjekk torsdag at han hadde teke imot pengar frå den tyske våpenhandlaren Karlheinz Schreiber. Pengane skulle vere betaling for lobbyverksemd på vegne av den tyske våpenprodusenten Thyssen Industries.
Pengane vart overlevert under fleire møter på hotellrom, og skal seinare ha vorte plassert i hemmelege bankboksar og i leilegheita Mulroney eig i New York. Dei vart aldri meldt inn for skattemyndigheitene.
Vedgår tabbe
Mulroney vedgjekk feil då han forklara seg for ein parlamentarisk granskingskomite torsdag.
Han seier at han fekk den fyrste konvoutten med kontantar fyrst ein månad etter at han hadde gått av som statsminister. Schreiber hevdar noko anna. Då våpenhandlaren folklarte seg for granskarane tidlegare i veka, sa han at avtalen vart inngått to dagar før Mulroney gjekk av som statsminister.
Vert det slått fast at Mulroney inngjekk avtale med den tyske våpenhandlaren mens han framleis sat i statsministerstolen, risikerer han straffeforfølging.
Mulroney var statsminister i Canada frå 1984 til 1993.
(NTB)