Fekk panikk og hoppa frå bru

Brua ligg på vegen til Ramsesplassen i sentrum av Kairo, målet for fleire tusen menneske som i dag demonstrerte mot den hæren og den nye regjeringa i landet.

Det som utløyste dramatikken på brua var truleg skyting. Folkemengda kom i rørsle og mange fekk panikk. Det gjorde at fleire prøvde å kome seg ned frå brua og ned på gata seks-sju meter under ved hjelp av ein stålvaier.

Minst 70 menneske er drepne i uroa i Egypt i dag, og dei som organiserer demonstrasjonane har varsla at dei vil halde daglege demonstrasjonar heilt til Mohamed Morsi blir gjeninnsett som president.

Mohamed Morsi vart avsett av hæren 3. juli i år, og dette har ført til den mest alvorlege uroa i Egypt på mange år. Den islamistiske organisasjonen Morsi er medlem av, Den muslimske brorskapen, nektar å godta avsetjinga, og lovar å halde fram demonstrasjonane heilt til dei har vunne fram.

LES OGSÅ: Den muslimske brorskapen lovar nye demonstrasjonar kvar dag

LES OGSÅ: – Støtten er det siste USA har igjen

LES OGSÅ: Forsøker å redde skadde med bomull og bandasjer i Kairo

LES OGSÅ. Fredagsbønnen er over og demonstrantene marsjerer mot soldatene