Dette er den aller første transplantasjonen av ansikt i Norden, det var legar i Helsingfors- og Nylands sjukehusdistrikt HNS som utførte operasjonen.
Det er gjennomført 35 slike operasjonar tidlegare i verda, og ein person døydde etter infeksjonar etter ein slik operasjon, skriv svenska.yle.fi.
- Les også:
Klarer ikkje ete sjølv enno
– Ein ansiktsoperasjon reddar ikkje liv, og vi må vurdere om pasienten er klar for ein slik
operasjon, og om behovet for transplantasjonen er stort nok, seier plastikkirurg Patrik Lassus, som leia operasjonen gjennom dei 21 timane pasienten låg på operasjonsbordet.
Pasienten vil ikkje stå fram offentleg med si historie, og difor er det enno uvisst om det er ei kvinne eller ein mann som no har fått nytt ansikt.
– Det må vi respektere, seier Lassus til avisa.
Pasienten vil no gå gjennom ei rehabilitering på to år.
– Pasienten vert halden under oppsikt enno. Det er førebels ikkje mogleg for pasienten å ete sjølv, seier Lassus.
- Les også:
- Les også:
Fleire klare til operasjon
Donoren og pasienten som har fått nytt ansikt, liknar ikkje på kvarandre, fortel Lassus.
– Eg vil audmjukt takke donoren og familien. Det må ha vore ein tung prosess for dei, seier han.
Allereie no er det ein pasient som snart er klar for ein liknande operasjon. Seks pasientar til er undersøkte for transplantasjon.
– Det er vanskeleg å seie når det vert fleire operasjonar, men det kjem truleg til å bli ein til, seier kirurgen til avisa.
Den aller første ansiktstransplantasjonen i verda skjedde i 2006, då Isabelle Dinoire fekk nytt ansikt.
– Det som har vore det vanskelegaste er å finne meg sjølv igjen, som personen eg var, med ansiktet eg hadde, før ulukka. Men no veit eg at det ikkje er mogleg, sa 45-åringen til BBC då.
- Les også:
Hunden beit av ansiktet til eigaren
Ho fekk øydelagt ansiktet sitt då ho i 2005 tok ein overdose med sovetablettar i eit forsøk på å ta livet sitt. Men pillene fungerte ikkje slik ho hadde tenkt, og ho vakna heime i huset sitt, i ein blodpøl, og med familien sin labrador.
Hunden fann ho medvitslaus, og hadde truleg prøvd å vekke henne, og beit vekk store deler av ansiktet hennar.
– Eg kunne ikkje førestille meg at det var mitt ansikt, mitt blod, eller at hunden hadde bite vekk ansiktet mitt, sa ho etter hendinga.
Før dette hadde forskarar klart å transplantere øyre – og hovudbotn, men Dinoire var den første som fekk eit heilt ansikt på ny.
Sjå korleis kirurgane byggjer opp att ansikt her: