NRK Meny
Normal

Feirar kurdisk avstemming - men frykt for uro

Kurdarane feirar vellukka folkerøysting om kurdisk sjølvstende. Men nabolanda er misnøgde. Den tyrkiske presidenten, Recep Tayyip Erdogan truar med å sende soldatar over grensa.

Iraq Kurdish referendum

Born med kurdiske flagg i Kirkuk under folkeavstemminga måndag.

Foto: Bram Janssen / AP

Styresmaktene i Bagdad har erklært at folkeavstemminga er ulovleg, og det irakiske parlamentet vedtok måndag å be statsminister Haider al-Abadi sende soldatar til det kurdiske området i nord. Og den tyrkiske presidenten, Recep Tayyip Erdogan, truar med å sende soldatar over grensa.

Trass i hard motstand, blei folkeavstemminga gjennomført som planlagt, og alt gjekk roleg for seg. Politiet fryktar likevel uro, og måndag kveld blei det innført portforbod i delar av byen Kirkuk.

Iraq Kurdish Referendum

Eit kurdisk ektepar viser fram dei farga fingrane sine etter at dei har stemt i valet i Kurdistan.

Foto: Khalid Mohammed / AP

Fryktar uro

Kirkuk er ein oljerik by med fleire etniske grupper. Turkmenske og arabiske innbyggjarar har reagert kraftig på at dei lokale styresmaktene bestemte at Kirkuk skulle delta i folkeavstemminga.

Kirkuk har i utgangspunktet ikkje vore ein del av dei kurdiske provinsane, men kurdarane ser likevel på Kirkuk som ein del av sine område.

Nabolanda Tyrkia, Iran og Syria er redde for at folkeavstemminga skal utløyse liknande krav om sjølvstende i eigne område der det bur kurdarar. FN og USA fryktar at det som no skjer kan føre til ustabilitet i regionen.

Global Business Forum

Presidenten i Tyrkia, Recep Tayyip Erdogan truar med å setje ein stoppar for oljeeksporten frå Kurdistan.

Foto: Mark Lennihan / AP

Truar med å skru av oljekranen

I ein tale i Ankara måndag, trua president Erdogan dei irakiske kurdarane med å stanse oljeeksporten. Kurdarane eksporterer store mengder olje, men den einaste oljerøyrleidningen går gjennom Tyrkia.

Spørsmålet rundt 5,5 millionar kurdarar tok stilling til, er:

«Vil du at Kurdistan og dei kurdiske områda utanfor regionen skal bli ein sjølvstendig stat?»

Ifølgje kurdisk TV var frammøteprosenten på 78. Det endelege resultatet kjem truleg i løpet av 72 timar. Det er venta eit klart fleirtal for sjølvstende. Men avstemminga er ikkje bindande.

Kurdisk folkeavstemning

Kurdarar i Libanon samla seg i Beirut søndag for å vise støtte til folkeavstemminga i Irak.

Foto: Hassan Ammar / AP
Laster innhold, vennligst vent..
Laster innhold, vennligst vent..

SISTE NYTT

Siste nytt