Brannen skal ha starta i 11. etasje av leilegheitsbygget, som ligg i byen Bohumin.
Ifølgje nyheitsbyrået AP døydde seks personar, tre av dei born, i ei av leilegheitene.
Fem personar døydde medan dei prøvde å kome seg ut av bygget. Desse hoppa ifølgje ein talsmann for brannvesenet frå 12. etasje.
I tillegg vart ti personar skadde i brannen. Blant desse er ein brannmann som vart alvorleg skadd.
– Utvikla seg raskt
Politisjef Tomas Kuzel uttalar til tsjekkisk TV at ein person er arrestert for å ha starta brannen.
– Eg trur vi har den skuldige, seier han.
Vladimir Vlcek, sjef for det regionale brannvesenet, vil ikkje spekulere i årsaka til brannen.
– Men den utvikla seg veldig raskt, som ikkje er normalt, seier han til tsjekkisk TV.
Brannmenn fraktar ein person på båre vekk frå brannen i Bohumin.
Foto: Stringer / Reuters
