NRK Meny
Normal

Eksplosjonar og skyting i Benghazi

Det blir seint torsdag kveld meldt om kraftige eksplosjonar og skyting i den opprørarstyrte byen Benghazi i Libya. Dette kan vere angrepet Muammar Gaddafi varsla tidlegare på kvelden.

Ein engasjert Muammar al-Gaddafi

- Vi kjem ikkje vil å vise nåde, seier Muammar Gaddafi.

Foto: REUTERS TV / Reuters

- Vi kjem til å gå til angrep på Benghazi i løpet av kvelden, og vi kjem ikkje til å vise nåde, sa Muammar Gaddafi i ein radiotale i kveld. Opprørsradioen oppmodar til kamp mot angriparane.

Den libyske herskaren, som har vore ved makta sidan han tok makta i eit militærkupp i 1969, seier at menneske utan våpen ikkje har noko å frykte frå dei liyske regjeringsstyrkane.

Mange har flykta frå den opprørarhaldne byen Benghazi.

Mange har i løpet av dagen pakka ned alt dei eig og flykta frå Benghazi.

Foto: PATRICK BAZ / Afp

- Men alle hus vil bli ransaka, sa han i talen.

Opprørarane sin radiostasjon i Benghazi oppmodar alle til å bemanne sine posisjonar og kjempe mot Gaddafi-hæren.

Opnar for angrep mot Libya

Dette skjer samstundes med at arbeidet med ein FN-resolusjon om Libya går føre seg for fullt i Tryggingsrådet i FN. I tekstforslaget, som blir teke opp til avrøysting i kveld, blir det opna for at det internasjonale samfunnet kan innføre ei flyforbodssone over Libya, og andre tiltak som kan verne dei sivile innbyggjarane i landet.

Tidlegare i kveld trua den libyske forsvarsministeren med å angripe sivil skips- og lufttrafikk dersom utanlandske styrkar går til angrep mot Libya.

Ei kjelde ved den franske FN-delegasjonen seier til nyheistbyrået AFP at dersom resolusjonen blir vedteken i kveld, kan dei første bombeangrepa mot mål i Libya skje alt i natt eller i løpet av fredag.

Følg møtet i Tryggingsrådet direkte frå kl. 22.45:

Video FNs sikkerhetsråd stemmer over Libya

- Vil jage svikarane

I talen sin i kveld gav Gaddafi soldatane sine ordre om at dei ikkje skal forfølgje opprørarar som frivillig legg ned våpena.

- Avgjerda er teken. Førebu dykk på at vi kjem i kveld. Vi skal jage svikarane frå Benghazi. Dei som overgir seg og legg ned våpena, vil bli sparte, sa ein kjensleladd Gaddafi i radiotalen i kveld.

Mustafa Abdel Jalil

Mustafa Abdel Jalil er leiar for det libyske opprørsrådet, som har base i Benghazi.

Foto: ASMAA WAGUIH / Reuters

Leiaren for opprørsrådet i Libya, som har base i Benghazi, seier dei ikkje let seg skremme av truslane til Gaddafi, og at dei vil forsvare seg.

Mustafa Abdel Jalil ynskjer samstundes ein FN-resolusjon som kan stanse det han kallar folkemordet i Libya, velkomen. Han seier at opprørarane har kontroll over Ajdabiyah og dei andre byane i det austlege Libya.

Det statlege fjernsynet i Libya melder at regjeringsstyrkane no står i utkanten av Benghazi, og at dei har kontroll over byen Zuwaytinah. Men meldingane er ikkje stadfesta av uavhengige kjelder.

Ein libysk regjeringstalsmann seier at FN-støtta militær aggresjon mot Libya vil vere både umoralsk og i strid med internasjonal lov. - Det er snakk om ein væpna oppstand, og alle land ville ha kjempa mot det, seier talsmannen.

LES OGSÅ: - Vil ta pause i angrepene

LES OGSÅ: - Gaddafis hevn blir ikke hyggelig

LES OGSÅ: - Ti timar på å hindre folkemord

LES OGSÅ: Slipper ikke inn i Libya

Benghazi er den nest største byen i Libya med rundt 700.000 innbyggjarar. Byen er den viktigaste maktbasen for opprørarane mot regimet til Muammar Gaddafi.

Innholdet som skulle vises her støttes dessverre ikke lenger.

Laster innhold, vennligst vent..
Laster innhold, vennligst vent..

SISTE NYTT

Siste nytt