Ein domstol i Stuttgart avgjorde i dag at han skal setjast fri på prøve 3. januar neste år, skriv telegambyrået AFP.
Leiar
Klar var på 1970-talet leiar for den tyske terrorgruppa Raude Armé Fraksjon (RAF), også kjent som Baader-Meinhof-gruppa.
Han er mellom anna dømd for medverknad til drapa på arbeidsgjevarpresident Hanns Martin Schleyer og riksadvokat Siegfried Buback i 1977, og var lenge ein av dei mest ettersøkte personane i landet.
Om han skulle setjast fri eller framleis haldast i fengsel, har i fleire år vore eit omstridt tema i tysk politikk.
Særleg den konservative sida har gått hardt ut mot å setje Klar fri.
VIDEO: Baader-Meinhof inntar lerretet
LES:
Lettare soningsforhold
Etter å ha passert 24 år i fengsel hadde Christian Klar etter normal praksis rett til lettare soningsforhold, men kunne først bli sett fri på prøve i 2009.
Ein annan tidlegare RAF-leiar, Brigitte Mohnhaupt, blei benåda i mars i fjor, og deretter sett fri frå fengsel.
Baader-Meinhof-gruppa, oppkalla etter grunnleggjarane Andreas Baader og Ulrike Meinhof, skal stå bak drapa på 34 menneske i åra 1970 til 1991.
Dei to grunnleggjarane tok livet av seg sjølv i fengsel.
Med i gruppa var også mellom andre Gudrun Ensslin, Birgit Hogefeld og Peter Jürgen Boock.
RAF hadde utspring i studentdemonstrasjonane på 1960-talet. I 1998 kunngjorde gruppa at ho oppløyste seg sjølv.
LES:
LES:
LES: