. Det israelske angrepet på Gazastripa starta ved 15-tida i ettermiddag ved eit
til leiaren av den militære delen av Hamas, Ahmed al-Jaabari. Han vart drepen momentant saman med ei livvakt.Samstundes gjekk israelske fly til angrep på mål over heile Gazastripa, i det den israelske hæren kallar eit angrep for blant anna å slå ut dei langtrekkjande rakettane til Hamas. Hittil er til saman 10 menneske drepne i angrepa.
Egypts president Mohamed Morsi har i kveld også kalla Israels ambassadør til Egypt for å protestere mot angrepet på Gazastripa.
Hamas ber i kveld dei arabiske landa, og særleg Egypt, om å stanse dei israelske angrepa på Gazastripa.
– Vi ber dei arabiske brørne våre, og særleg Egypt, om å stanse denne barbariske aksjonen, og å forsvare Gaza og folket der, seier han i ei fråsegn. Han ber også om eit hastemøte i Den arabiske ligaen for «konfrontere denne brutale aggresjonen», seier Hamas-statsministeren på Gazastripa, Ismail Haniyeh.
– Truar stabiliteten
Egypts utanriksminister Mohamed Kamel Amr fordømmer det israelske angrepet på Gazastripa. Han ber Israel om å stanse angrepa med ein gong. Han seier at det er fare for at angrepet på Gazastripa kan få farlege følgjer for tryggleiken og stabiliteten i heile Midtausten.
Han kallar opptrappinga for svært farleg. I kveld har Egypt også kalla heim ambassadøren sin i Israel på grunn av angrepet mot Gazastripa.
Partiet til den egyptiske presidenten Mohammad Morsi, Den muslimske brorskapen, seier i ei fråsegn at Israel no må hugse på at endringane i den arabiske verda gjer at folk ikkje vil finne seg i israelsk maktmisbruk, slik dei har gjort tidlegare.
Også andre arabiske regjeringar har kome med sterke fordøming av dei israelske angrepa mot Gazastripa.
LES OGSÅ:
LES OGSÅ:
Massivt angrep
Det massive israelske angrepet på Gazastripa kjem etter 24 timar då det var relativt roleg i grenseområdet mellom Israel og Gazastripa. Egypt har prøvd å forhandle fram ei våpenkvile etter angrepa sist helg.
No er det stor frykt for at situasjonen kan eskalere ytterlegare. Angrepet mot Gazastripa skjer samstundes som det er ein svært spent også langs den israelske
.Måndag skaut israelske styrkar mot ei syrisk stilling nær Golan, etter at det fleire gonger er skote inn på israelsk side av grensa.
Dette har skjedd i samband med kampar mellom syriske regjeringssoldatar og opprørarar i området.
Israels forsvarsminister Ehud Barak sa tidlegare i dag at opprørarane no har kontroll over dei fleste syriske landsbyane langs grensa til Israel.
Militante grupper har også skote over grensa til Israel frå den egyptiske Sinai-ørkenen, og det er også spent langs grensa til Libanon. Observatørar i Midtausten fryktar at ei opptrapping kan få svært alvorlege konsekvensar for heile regionen.
Barth Eide uroleg
Utanriksminister Espen Barth Eide er uroleg over situasjonen som utspelar seg mellom Israel og Hamas-styret på Gazastripa.
– Vi ser på stor uro på den eskaleringa av valden som no utspelar seg i forholdet mellom Israel og palestinarane i Gaza, seier han til Aftenposten. Han meiner at rakettangrepa mot Israel er klart uakseptable og at Israel har retten til å forsvare seg.
Samstundes understrekar han at mottiltak må vere tilbakehaldne og unngå ytterlegare opptrapping. Opptrapping vil ramme dei sivile og svekkje sjansane til ei varig løysing, seier Eide.
Ber om stans
FNs generalsekretær Ban Ki-Moon ber Israel om å stanse angrepa mot Gazastripa.
Han åtvarar Israel mot opptrappinga, og mot dei negative følgjene det vil få for stabiliteten i området.
Talsmann for den israelske hæren, Bjørn Hermann, seier at angrepet på Ahmed – al-Jaabari, var ein kirurgisk operasjon som vart gjennomført ved bruk av presise våpensystem, og basert på etterretning.
Han seier at Gazastripa har blitt utvikla til å bli Irans front for rakettangrep mot Israel.