Skuldar på opposisjonen

Sjefen for politistyrkane i Ecuador har no gått av etter gårsdagens dramatiske hendingar, der opprørske politifolk heldt president Rafael Correa som gissel i 12 timar. Det opplyser ein talsmann for politiet fredag, ifølgje NTB.

• LES OGSÅ: Unntakstilstand i Ecuador

Ifølgje den ekvatorianske nettavisa La Hora er det også venta at innanriksministeren, Gustavo Jarlkh, vil forlate sin ministerpost etter det som vert omtalt som eit mislykka kuppforsøk.

Ifølgje nettstaden, har regjeringa varsla at opprørarane vil bli hardt straffa.

«Ugjerninga vil ikkje verta tilgjeven ei gløymd» heiter det i ei kunngjering sendt ut av regjeringa fredag.

– Den tristaste dagen i mitt liv

Regjeringssoldatar storma torsdag kveld sjukehuset der Correa sat innesperra og

frigjorde presidenten etter å ha opna eld mot politiet.

• LES OGSÅ: – Det er lovløse tilstander her

Kort tid seinare var han i sikkerheit i presidentpalasset, der han heldt ein tale til sine tilhengjarar frå ein balkong.

Om lag to tusen menneske skal ha møtt opp for å uttrykkje sympati med presidenten.

• LES OGSÅ: Beleiringen over for Ecuadors president

– Dette er den tristaste dagen i mitt liv. Dette er den tristaste dagen denne regjeringa har opplevd. Dei dolka oss i ryggen og drap sine eigne brør,

sa presidenten til dei oppmøtte ifølgje La Hora.

Han refererte til to politimenn som blei drepne då soldatane tok seg inn i det okkuperte sjukehuset.

Skuldar på opposisjonen

Det var sterk usemje og krasse konfrontasjonar då nasjonalforsamlinga samla seg i morgontimane i parlamentsbygget. Det har oppstått ein isfront mellom Correas sentrum-venstre allianse, Alianza País, og opposisjonen som meiner lovforslaget som førte til politi-opprøret bør vurderast på nytt.

• LES OGSÅ: Drepne og såra i Ecuador

Correa hevdar at det er den politiske opposisjonen som har oppfordra politet til å gjera opprør, og understrekjer at han ikkje vil forhandla under press.

Rafael Correa blei vald i 2006 og seinare attvald etter ei grunnlovsendring i 2009.

Perioden hans tek slutt i 2013.

Under valkampen lova han å stå i spissen for ein «borgarrevolusjon» og å sikra ei meir rettvis fordeling av naturressursane i landet. Han lova også å motarbeide det han kallar Ecuadors korrupte elite.