To av dei største fagforeiningane i Spania, UGT og CCOO, har varsla fleire demonstrasjonar i framkant av ein planlagt generalstreik 29. mars.
Dei krev at myndigheitene droppar reformane, som mellom anna inneber kutt i trygda for arbeidslause og ein meir fleksibel arbeidsstokk, skriv NTB.
Finanskrisen i Europa har gjort at arbeidsløysa er rekordhøg i fleire land, og løysingane som regjeringane presenterer fell ofte ikkje i god jord hjå befolkinga.
LES:
Lettare å gje folk sparken
Demonstrantane meiner reformane vil føre til meir arbeidsløyse ettersom det vil bli lettare for bedrifter å gje folk sparken.
Ifølgje spanske fagforeiningar var det demonstrasjonar i seksti byar rundt om i Spania, mellom anna i Madrid, Barcelona, Valencia og Sevilla.
«Ubrukeleg, ineffektiv og urettferdig» stod det på eit banner som demonstrantar hadde hengt opp på ei bru i Madrid.
LES:
Titusenvis av menneske deltok i demonstrasjonane i byen, ifølgje journalistar som var der. Fagforeininga seier at opptil 500 000 demonstrantar var med på demonstrasjonane.
Håpar på nytt liv i økonomien
Myndigheitene håpar reformane skal bidra til å skape fleire arbeidsplassar og få nytt liv i økonomien.
LES:
LES:
Arbeidsløysa i Europa er rekordhøg, og i Spania er arbeidsløysa på 23 prosent, medan den er nærare 49 prosent for folk under 25 år.
Også demonstrasjonar i Italia
Fredag marsjerte også tusenvis av fagorganiserte i Italia mot myndigheitene sine planar om å gjere det enklare å gi folk sparken.
Statsminister i Italia Mario Monti har sagt at han vil reformere den italienske arbeidsmarknaden og gjere det meir fleksibelt, slik at fleire kvinner og unge får arbeid.
LES:
LES:
Dei fagorganiserte hevdar at reformene i staden vil føre til at fleire mistar jobben.
– Ein løyser ikkje problemet med å gjere det enklare å sparke folk, seier Fiom-leiar Maurizio Landini. Med raude flagg og protestrop troppa fleire tusen Fiom-organiserte fredag opp framfor Laterankyrkja i Roma.
Protestane retta seg særleg mot bilgiganten Fiat, som prøvar å presse fagforeininga Fiom til å skrive under på ein ny kollektiv avtale som strammar inn arbeidstakarane sine rettar.
Den historiske plassen i Roma var også åstad for kraftige samanstøyt mellom politi og demonstrantar i oktober i fjor, då fleire titals personar blei skadde.