– Ulukka har påført mange djup smerte. Det ber me om orsaking for, seier ein av sjefane for gruveselskapet San Esteban, Alejandro Bohn.
- LES OGSÅ:
Gruveselskapet San Esteban er i så dårleg forfatning at det korkje har utstyr eller pengar til å redda arbeidarane. Selskapet har også sagt at dei innesperra arbeidarane ikkje kjem til å få løn for tida nede i gruva, skriv CBS.
Opna etter dødsfall
Gruva har tidlegare hatt 80 ulukker, og stengde etter eit dødsfall.
Eit statleg tilsyn påla selskapet å byggje nødutgang, men gruva opna igjen utan dette i 2008.
– Dette er forferdeleg situasjon. Me vonar at hendinga snart vil fåe in lukkeleg slutt, sa gruvesjefen tysdag, ifølgje AFP.
- Skal straffast
San Esteban har vorte kritisert for å ha venta unødvendig lenge med å varsla ulukka. Selskapet har ikkje delteke i redningsarbeidet, det har brote sikkerheitsforskrifter og det har ikkje betalt sosiale avgifter og ulukkesforsikring for sine tilsette.
- LES OGSÅ: Gruveboring i gang i Chile
Chiles president, Sebastian Piñera har tidlegare sagt selskapet skal granskast, og at dei ansvarlege vil bli straffa.
– Me skal granska og avklara ansvarsforholda, og straffa dei som sit med ansvaret, har presidenten uttalt.