Dei lokale styresmaktene i byen Oakland i California har gjeve grønt lys til bygginga av fire store marihuanafabrikkar.
Det er selskapet Agramed som no er på veg til å få løyve til å starte produksjon av marihuana i Oakland. Avgjersla må vedtakast ein andre gong for å verta endeleg.
Marihuana på resept
Agramed vil byggje om fire tomme industrilokale for å dyrka marihuana under kunstig belysning.
Det er i dag lov å bruke marihuana i California om ein har resept på det frå doktor. Lækjarar har føreskrive marihuana for ei rekkje sjukdommar, inkludert Alzheimers, diabetes, multippel sklerose og Tourettes syndrom.
I november skal det haldast folkeavstemming om full legalisering. Føderal lovgjeving derimot, har framleis eit forbod mot marihuana.
Stadig fleire
California var ein av dei første delstatane til å vedta medisinske marihuanalovar i 1996. Det medførte at stoffet i ettertid kunne dyrkast og selgjast for medisinsk bruk. Tretten andre amerikanske delstatar har følgd i solskinstaten sine fotspor.
Fleire andre statar har planar om å legalisere medisinsk bruk av marihuana .
(NTB)