Bomba eksploderte like før ein planlagd seremoni til minne om ofra som vart drepne i den grufulle massakren i 2009. Ingen kom til skade som følgje av eksplosjonen.
Politiet uskadeleggjorde også to udetonerte bomber nær massakre-åstaden i landsbyen Apatuan i den sørlege Maguindanao-provinsen.
Skremmebomber
Føremålet med bombene var truleg å skremma folk frå å delta i markeringa, opplyser filippinsk politi.
Lokale militsmedlemmer frå Ampatuan-klanen er tiltalte for drapa på 57 journalistar og politikarar under ein valkampanje 23. november 2009.
Ifølgje aktoratet angreip rundt 100 væpna menn, i hovudsak frå Ampatuan-klanen, ein kolonne som var på veg for å registrera Esmael Mangudadatu som kandidat i det kommande lokalvalet.
Mangudadatu-familien er den største rivalen til den mektige Amaptuan-klanen.
Nesten 200 på tiltalebenken
Rettssaka mot dei i alt 196 personane som er tiltalte, inkludert ein tidlegare borgarmeister i provinsen, er i gang i ein domstol like utanfor hovudstaden Manila.
Rettssaka har gått seint, og rundt 100 av dei tiltalte er framleis på frifot, blant dei fleire tidlegare politibetjentar og militære.
- LES OGSÅ: Nesten 200 drapssikta etter massakre
- LES OGSÅ: Presidentvenn knyttes til massakre