Kommisjonen som har granska den britiske deltakinga i krigen mot Saddam Hussein i Irak har retta hard kritikk av Blair og prosessen som førte fram til at Storbritannia gjekk med i krigen i 2003
Det kjem blant anna fram i granskingsrapporten at den britiske deltakinga i krigen var basert på feil etterretning og dårleg planlegging. Alternativ for ei fredeleg løysing var ikkje skikkeleg vurdert, og
– Kan saksøkje Blair
Rapporten slår også fast at det som før USA og Storbritannia gjekk til krig vart presentert som bevis på at Saddam hadde masseøydeleggingsvåpen, viste seg ikkje å stemme
Etterlatne etter britiske soldatar som vart drepne i krigen, har varsla at det er aktuelt å gå til sak mot Tony Blair på bakgrunn av det som har kome fram i rapporten.
Tony Blair sjølv er altså klar på at han meiner det ikkje var noko anna alternativ å gå til krig og fjerne Saddam Hussein frå makta. Han vedgjekk på ein pressekonferanse i ettermiddag at det var den vanskelegaste avgjerda han nokon gong har teke.
Han minte også om terrortrusselen verda stod overfor i 2003, og han nektar å godta at invasjonen og fjerninga av Saddam Hussein frå makta, førte til at terrorgruppene Al Qaida og IS fekk vekse seg sterke i Irak.
– Handla i god tru
Blair tok opp att at han tok avgjerda i god tru om at Saddam-regimet verkeleg hadde masseøydeleggingsvåpen. Kommisjonen har heller ikkje funne noko som tyder på at Blair og regjeringa hans villeidde parlamentet og det britiske folket med overlegg.
Samstundes som han forsvarte avgjerda om å gå til krig, viste Blair seg i dag også frå ei meir audmjuk side.
– Eg uttrykkjer meir sorg, anger og orsaking enn nokon kan tru for liva som gjekk tapt, sa han med skjelvande røyst.
– Likevel. Rapporten slo fast at vi ikkje for med løgn, parlamentet og regjeringa vart ikkje feilinformert, og der var ingen hemmeleg forplikting om å gå til krig, la han til.
Etterpåklokskap
Blair sa også at ingen kunne ha handla på ein annan måte, om dei hadde sett dei rapportane han fekk seg lagt fram før avgjerda vart teken. Han vedgår likevel at etterretningsanalysane viste seg å vere feil, og at tida etter invasjonen vart blodigare enn dei hadde trudd.
– Eg aksepterer i etterpåklokskapens lys at vi kunne ha gjort andre vurderingar, blant anna at vi skulle ha planlagt betre for korleis Irak skulle sjå etter krigen, sa Blair blant anna.