Seremonien ved det nasjonale minnebassenget mellom Washington-monumentet og Lincoln Memorial tysdag kveld starta med at sjukepleiaren Lori Marie Key frå Michigan song den klassiske engelske salmen «Amazing Grace». Deretter heldt Biden ein kort tale.
– For å lækjast, må vi hugse. Det er tungt å minnast. Men det er sånn vi blir lækte. Det er viktig å gjere det som nasjon. Frå solnedgang til skumringa, la eit lys skine over mørket medan vi minnest alle vi har mista, sa Biden.
Deretter stilte han, kona Jill, visepresident Kamala Harris og hennar ektemann Doug Emhoff seg mot bassenget, medan Leonard Cohens song «Hallelujah» blei sunge.
Etter seremonien drog Biden-paret til Blair House, der dei skal overnatte før onsdagens eidsavlegging framfor Kongressen. I nabohuset, Det kvite hus, søv avtroppande president Donald Trump si siste natt i Washington før han i morgon reiser til Florida, utan å ønske Biden velkommen, slik tradisjonen er.
LES OG: