Berlusconi: - Tåpelege skuldingar

Den italienske statsministeren, Silvio Berlusconi, møtte måndag i retten for første gong på nesten åtte år.

Video 483d919b-6e6f-4456-ba03-fa1135e2c10a.jpg

Korrupsjonssikta Silvio Berlusconi hadde måndag tid til å møta i retten for første gong sidan juni 2003.

Berlusconi har ein kø av rettsaker mot seg, men har i løpet av dei siste sju åra greidd å vri seg unna oppmøte når sakene mot han har vorte handsama i retten.

Førre gong han møtte opp i eit rettslokale var i juni 2003.

No har den kontroversielle statsministeren endra haldning, og seier han vil møta i så mange høyringar som råd i håp om å overbevisa retten om at han er uskuldig.

Berlusconi

Silvio Berlusconi på veg til rettssaka mot han i Milano måndag.

Foto: ALESSANDRO GAROFALO / Reuters

– Heilt absurd

Berlusconi har tidlegare uttalt til BBC at han fram til no har vore tiltalt i heile 50 saker - ein verdsrekord, ifølgje han sjølv.

Berlusconi eig ein stor del av italienske media. Måndag er det skuldingar om bedrageri og underslag i samband med kjøp av fjernsynsrettigheiter som står på agendaen. Også sonen til Berlusconi og fleire andre er sikta i saka.

Det var likevel ein blid og sjølvsikker statsminister som vinka til pressekorpset før han gjekk inn til rettssaka i Milano, som vert ført bak lukka dører.

– Alle rettssakene mot meg er tåpelege og heilt absurde og byggjer ikkje på nokonting, sa han i eit intervju med italiensk fjernsyn.

74 år gamle Berlusconi må også seinare møta i retten for å svara på skuldingar om at hanskal ha kjøpt sex av ei 17 år gammal jente.

Laster innhold, vennligst vent..
Laster innhold, vennligst vent..

SISTE NYTT

Siste nytt

Trumps talskvinne sier feilaktige opplysninger er «alternative fakta»

Kellyanne Conway, rådgiveren til president Donald Trump, sier pressesekretæren i Det hvite hus la fram «alternative fakta» om antall oppmøtte på innsettelsesseremonien.