To menn på 29 og 41 år skal ha mista livet i Kherson i natt.
Det melder guvernøren i regionen, Oleksandr Prokudin, på Telegram. Han legg til at tre private bustader skal ha blitt trefte i missilangrepet, i tillegg til eit næringsbygg. Fem personar skal ha blitt såra.
Fleire andre byar rapporterte også om russiske angrep i natt. Mellom anna Kyiv, Tsjerkasy, Rivne, Lviv og Khmelnytskyj.
Til saman skal 21 personar vere såra.
Ordførar i Kyiv, Vitalij Klitsjko, meldte i natt om eksplosjonar i hovudstaden, og på Telegram bad han byens innbyggarar om å evakuere. Eit bustadområde skal vere ramma, og sju personar er såra. Den yngste er ei ni år gamal jente.
Eit bustadsområde i Kyiv blei ramma av eit russisk missilangrep i natt.
Foto: VALENTYN OGIRENKO / ReutersI dag tidleg gjekk flyalarmen på nytt, men det er ikkje registrert nye angrep.
Det ukrainske forsvaret melder om at dei skal ha skote ned 36 av 43 missil, ifølge Reuters.
Vrakrestane frå dei nedskotne missila skal ha ført til skadar på bygningar og infrastruktur i fleire byar. I tillegg meldte fleire byar om strømbrot.
Ukrainsk droneangrep
Ifølge russisk militær, skal dei ha skote ned 19 ukrainske dronar på veg mot Krim-halvøya i natt, i tillegg til tre dronar på veg mot Moskva. Det melder nyheitsbyrået Reuters.
Den siste tida har Ukraina intensivert droneangrepa mot Krim-halvøya, som Russland annekterte frå Ukraina i 2014.
Innbyggarar i Kyiv ser på skadane etter det russiske missilangrepet i byen.
Foto: VALENTYN OGIRENKO / ReutersHøyr også:
