– Det vart ei hard landing. Flyet klarte rett og slett ikkje den siste kilometeren fram til landingsstripa, seier ein talsmann for flyplassen Domodedovo til
.Rett før landing
Flyet frå flyselskapet Avistar var på veg frå Hurghada i Egypt til Moskva med mannskapet på åtte, då det måtte naudlande berre ein kilometer frå flyplassen.
Tupolev-flyet forsvann frå radaren klokka 02.54 og ein stor redningsaksjon vart sett i verk. Flyet vart funne i straks etter.
Alle dei åtte ombord overlevde. Begge pilotane er hardt skadde, men resten av mannskapet fekk mindre alvorlege skader.
Nettopp kontrollert
Det er berre tre dagar sidan flyet vart gjennom ein større teknisk kontroll, utan at noko gale vart oppdaga. No skal havarikommisjonen undersøkje kva som har skjedd.
Den siste tida har den same flytypen vore involvert i fleire naudlandingar, men russiske luftfartsmyndigheiter trur ikkje flykrasjen i natt har samanheng med dei tidlegare hendingane.
Ikkje ut av trafikk
Heller ikkje flyselskapet vurderer å ta denne typen fly ut av trafikk.
– Vi må undersøkje kva som har skjedd. Feilen kan liggje hos flyplassen. Pilotane kan ha gjort feil eller ikkje sett flyplassen på grunn av dårlege vértilhøve, seier ein representant for Avistar.