Det var i april i år at Menneskerettsdomstolen i Strasbourg slo fast at det ikkje var i strid med imamen sine mennskerettar om han blir utlevert til USA. Det same gjaldt fire andre terrortiltalte. Dei fekk ein frist på tre månader på seg til å anke avgjerda. Ankefristen går ut tysdag, melder AFP.
I dag varsla advokaten til Abu Hamza at dei kjem til å anke avgjerda om utlevering til USA til overkammeret i Menneskerettsdomstolen i Strasbourg.
Oppmoda til valdsbruk
Abu Hamza al-Masri er 53 år gammal. Han er opprinneleg frå Egypt, men kom til London i 1979. Her var han imam i Finsbury Park-moskeen, der han heldt flammande talar med oppmoding til valdsbruk og heilag krig. I 2004 vart han arrestert av britisk politi.
Han vart i 2006 dømd
for å ha oppmoda muslimar til å drepe ikkje-muslimar. Den britiske domstolen fann han skuldig i oppmoding til drap og for å ha spreidd rasehat, og for å ha hatt materiale som oppmoda til terrorismeUSA har bede om å få ha utlevert, fordi han der er tiltalt for å ha grunnlagt ein Al Qaida-inspirert treningsleir i delstaten Oregon.
LES OGSÅ:
LES OGSÅ;
Kan få livstid i USA
Han er også skulda for å ha sendt pengar og rekruttert krigarar til Taliban og Al Qaida, og for å hjelpt ei gruppe i Jemen, som bortførde ei gruppe på 16 utanlandske turistar.
I USA vil han truleg få ein livstidsdom. Dette er årsaka til at han har kjempa med nebb og klo mot å bli utlevert dit.
Abu Hamza er kjend for å ha ein krok på den eine handa, og for å vere einøygd. Han heiter eigentleg Mustafa Kamel Mustafa, og han har vore rekna for å vere ein leiarfigur for radikale islamistar i Storbritannia