Domenico Rancadore (64) 8. august i år i London, der han budde saman med den engelske kona si og dei to borna deira. Då hadde han vore på flukt frå italiensk politi i 20 år. I den sicilianske mafiagrupperinga Cosa Nostra gjekk han under namnet «Professoren», fordi han var utdanna lærar.
Han har heile denne tida stått på italienske styresmakter si liste over dei mest farlege forbrytarane på flukt.
– Spreidde terror
Eit over 20 år gammalt bilete av Domenico «Professoren» Rancadore
Foto: HO / AfpIfølgje italiensk politi brukte han læraryrket som eit skalkeskjul for det han eigentleg dreiv med, som leiar av ein gjeng som «spreidde terror» på Sicilia. Politiet på Sicilia seier at gjengen hans «systematisk tok livet av alle som ikkje retta seg etter organisasjonen sin vilje».
Westminster forhøyrsdomstol avgjorde sist måndag at han kunne setjast fri mot kausjon, men aktoratet anka avgjerda til høgsterett av frykt for at han kunne stikke av. Italiensk politi er svært interessert i å få han utlevert, slik at han kan starte soninga av ein dom på sju år som han stakk av frå i 1993.
Rancadore budde i eit middelklassenabolag i det vestlege London under namnet Marc Skinner, og han var godt likt blant naboane. Ingen hadde mistanke om at han var ein ettersøkt mafiasjef.
– Risiko for flukt
Høgsterettsdommar John Goldring sa etter rettsmøtet i dag at trass i at Rancadore har hatt hjarteproblem i det siste, så er det stor risiko for at han kan greie å stikke av. Det er derfor ikkje tilrådeleg å setje han fri mot kausjon, sa han.
I dette huset i bydelen Uxbridge i London budde Domenico Rancadore saman med familien.
Foto: TOBY MELVILLE / ReutersDet blir likevel eit nytt rettsmøte i Westminster forhøyrsdomstol 16. desember, men det italienske kravet om utlevering skal behandlast 20.- og 21. februar 2014.
Kona og dottera til «Professoren» var til stades i rettssalen då saka hans vart behandla. Det er uklart om kona kjende til den eigentlege identiteten til mannen.
LES OGSÅ:
LES OGSÅ:
LES OGSÅ:
