Slik ser dei ulike fasane under ei total måneformørking ut. Desse bileta er tekne i Kina i 2014.
Foto: STR / Afp
Her er den totale fasen av måneformørkinga 4. april, fotografert over eit blømande kirsebærtre i Miyagi i Japan.
Foto: ïOìcèÅ / ApDagens måneformørking var ifølgje NASA i den totale fasen rundt klokka 14 norsk tid.
Månen blei fullstendig tildekt og raudglødande i fem minutt, som du kan gjenoppleva i videoen over.
Ifølgje NASA er dette den kortaste måneformørkinga i vårt århundre.
Når formørkinga er total, blir ofte månen farga raud og dette er bakgrunnen for omgrepet «blodmåne».
Det raudlege skjæret kjem av at jorda skuggar for sola som vanlegvis skin direkte på månen og får den til å lysa opp.
Ikkje synleg i Noreg
Denne gongen er blodmånen synleg i store delar av Nord-Amerika, Sør-Amerika, Asia og i delar av Australia.
Fenomenet kjem ikkje til å vera synleg i Europa, Afrika og Midtausten, men du kan følgja formørkinga direkte i videospelaren over.
Den neste totale måneformørkinga som blir synleg i Noreg kjem 28. september i år.
Under ei måneformørking skuggar jordkloden for månen og sperrar dermed for sollyset som månen reflekterer tilbake til jorda .
Foto: NRK
