– Hadde ikkje skjedd om Berlusconi var homoseksuell

Putin sa at ingen ville ha tort å røyve Berlusconi, om preferansen hans hadde vore menn framfor kvinner.

Den oppsiktsvekkjande fråsegna frå den russiske presidenten kom under ein diskusjon med internasjonale ekspertar og journalistar på Valdai Forum i den nordvestlege Novgorod-regionen.

Latter i salen

Valdai Forum er eit diskusjonsforum arrangert av det statlege russiske nyheitsbyrået RIA Novosty, der russiske og utanlandske politikarar og næringslivsleiarar deltek i diskusjonar om ulike spørsmål. Blant dei som var til stades i dag var Italias tidlegare statsminister Romano Prodi.

Utsegna frå Putin vart møtt med latter av tilhøyrarane.

Italias tidlegare statsminister Silvio Berlusconi er tiltalt for å ha hatt seksuell omgang med ei mindreårig prostituert kvinne, kalla «Ruby hjarteknusaren».

LES OGSÅ: Obama møtte homofile for å markere Putin-motstand

LES OGSÅ: – Ingen norske utøvere får bruke homoflagg i OL

OL i Sochi

Vladimir Putin har møtt sterk kritikk i vestlege land for sitt syn på homoseksualitet. Det har vekt harme at han har godkjent ei kontroversiell «homopropaganda-lov». Ifølgje denne lova er det ulovleg å informere om homoseksualitet til mindreårige.

Fleire vestlege politikarar har oppfordra til boikott av OL i Sochi neste år på grunn av denne lova.

Vladimir Putin har ofte forsvart tradisjonelle familieverdiar. På Valdai Forum kritiserte han vestlege land for å ha gløymt dei kristne røtene sine, og for å ha gløymt moralske prinsipp og tradisjonell identitet, også i seksuelle spørsmål.

LES OGSÅ: Russisk politi beslagla maleri av Putin og Medvedev i kvinneundertøy

LES OGSÅ: På kurs i russlandspolitikk

Godt forhold

Silvio Berlusconi og Vladimir Putin har hatt eit godt forhold i mange år, og Berlusconi har vore med og feira bursdagen til Putin i Moskva fleire gonger. Dei har også same synet på homoseksualitet. Som Berlusconi sa det då det storma som verst rundt han i Ruby-saka i 2010:

– Eg arbeider alltid hardt, og av og til ser eg på vakre kvinner. Det er betre å vere glad i vakre kvinner enn å vere homoseksuell.

LES OGSÅ: Berlusconis anke nådde ikke frem

LES OGSÅ: Berlusconi grisepratet om orgasme med ung kvinne