Helle Thorning-Schmidt møtte dansk og internasjonal presse måndag ettermiddag.
– I dag flaggar vi på halv stang over heile Danmark. Laurdag ettermiddag blei eit fredeleg, demokratisk møte utsett for angrep, og svært tidleg søndag morgon skjedde det same utanfor ein synagoge.
- Sjå også:
– Danmark blei råka av terror. To uskuldige er døde, og fem politifolk er såra. Bileta vi har med oss frå desse hendingane vil ikkje lett bli gløymde i Danmark, sa Helle Thorning-Schmidt på pressekonferansen.
Det danske flagget på halv stang ved synagogen i Krystalgade i København.
Foto: LEONHARD FOEGER / Reuters– Tankane våre er hos dei som er råka av det som skjedde. Vi har no opplevd den frykta som terroren prøve å spreie. Men vi har som samfunn også respondert på ein resolutt måte.
– Eg vil rose politiet for den profesjonelle innsatsen dei gjorde, sa ho. Det danske demokratiet er sterkt, og den danske nasjonen er sterk. Vi vil ikkje akseptere noko som helst angrep på det vi står for.
- Sjå også:
– Dei næraste dagane kan bli vanskelege å komme seg gjennom. Men eg kjenner meg trygg å at vi skal greie det. Vi må insistere på å leve liva våre som før. Vi må tenkje og snakke slik vi sjølv ønskjer. Vi er dei vi er. Eg er sikker på at Danmark vil komme seg gjennom dette, og bli både sterkare og stå meir saman enn før, sa Thorning-Schmidt.
Ho understreka at jødar høyrer heime i Danmark, og kalla angrepet på synagogen i København eit angrep på heile Danmark.
– Vi er svært opprørte over tragedien utanfor synagogen. Det jødiske samfunnet er ein viktig del av Danmark, sa Thorning-Schmidt.
– Dette er ikkje ein konflikt mellom islam og Vesten. Det er ikkje ein konflikt mellom muslimar og ikkje-muslimar. Det er ein konflikt mellom kjerneverdiane i eit ope samfunn og valdelege ekstremistar, sa Thorning-Schmidt på pressekonferansen.
Ho la til at ingen ting så langt i etterforskinga tyder på at han som er mistenkt for angrepa, var ein del av ei terrorcelle.
