Det er ein lokal politisjef som har oppgitt talet på døde til 72. Angrepet skjedde i ein heilagdom frå 1300-talet i byen Sehwan i Sindh-provinsen, 200 kilometer nordaust for provinshovudstaden Karachi.
Så mange som 250 skal vere såra. Det skal vere minst 20 born blant dei drepne.
Menneske i bønn
Ei politikjelde seier at ein sjølvmordsbombar kom inn i heilagdomen Lal Shahbaz Qalandar, som var fullstappa av menneske som deltok i bønn. Mannen tok plass blant dei bedande og sprengde seg i lufta, blir det opplyst.
Lal Shabdaz Qalandar er ein viktig sufi-helgen. Sufismen er ei grein av islam som legg vekt på mystikk og dyrking av helgenar.
Det er ikkje sjukehus i Sehwan, så dei såra må fraktast til nabobyane. Hæren har sett inn fleire helikopter og eit transportfly for å evakuere såra. Det er frykt for at dødstalet
etter angrepet kan stige ytterlegare, sidan tilstanden er kritisk for fleire av dei såra. Dei hardast såra blir sende til provinshovudstaden Karachi.
IS: – Vi stod bak
Ein talsmann for ei IS-gruppering som opererer i grenseområdet mellom Pakistan og Afghanistan, seier dei stod bak angrepet. IS ser på sufismen som vranglære.
Heilagdomen som vart ramma av angrepet i dag vart bygd i 1356, til minne om poeten, filosofen og Sufi-helgenen Lal Shahbaz Qalandar. Han skal eigentleg ha kome frå ein stad i Persia, men budde i Sindh-provinsen i ein periode på 1300-talet.
Han var ein sterk forkjempar for fred og toleranse, og minnet om han står sterkt både blant sufiane og andre.
Det har vore fleire andre sjølvmordsaksjonar i Pakistan denne veka, blant anna mot ein gatemarknad i Lahore,
miste livet. Det har også vore fleire angrep retta mot soldatar.