Det vart aldri noko offisiell overlevering mellom dei tidlegare statsministrane frå Noreg og Danmark, men på Twitter fekk Stoltenberg gode skottsmål frå sin danske forgjengar.
Jens Stoltenberg vert frå første dag kasta ut i jobben som leiar for forsvarsalliansen Nato, og vil starte si karriere med å leie Det nordatlantiske råd, som er Natos viktigaste organ.
– Det kjennes godt å vere her, og det er ei ære å vere Natos generalsekretær, sa Jens Stoltenberg til pressa.
Klokka halv fire, norsk tid, er det planlagd pressekonferanse, der Stoltenberg for første gong vil kunne svare på spørsmål om Ukraina, IS og andre tema mange ønskjer å vite meir om.
- LES OGSÅ:
Før han la seg i går kveld takka han av Rasmussen, som han meiner har leia Nato gjennom ei utfordrande periode. Mange meiner at Stoltenberg står overfor ein endå meir utfordrande periode. Den nylege borgarkrigen i Ukraina, og trugselen frå IS er to av sakene Stoltenberg må ta tak i.
- LES OGSÅ:
- LES OGSÅ:
Stoltenberg er den første norske nordmannen som leiar Nato, og ikkje sidan Trygve Lie var generalsekretær i FN har ein nordmann hatt ei meir sentral rolle i internasjonal politikk.
I Brussel er det mange som trekk fram at Stoltenberg har god kontakt med Russlands president Vladimir Putin, og at han er den første generalsekretæren som kjem frå eit av Russlands naboland.
Anders Fogh Rasmussen lanserte på si side eit nytt konsulentfirma i dag, som er kalla Rasmussen Global. Rasmussen seier firmaet skal hjelpe sine klientar med å orientere seg i ei stadig meir kompleks og samansveist verd.
NRKs Europa-korrespondent, Åse Marit Befring, var til stades då Stoltenberg kom til Nato-hovudkvarteret.
