Eit vitne i forstaden Tajura fortel tysdag føremiddag til Al-Jazeera at lik framleis ligg i gatene etter tidlegare valdshandlingar.
I går kveld kom dei første rapportane om . Augevitne fortalte at alle som rørte seg utandørs vart skotne på.
– Det er ikkje råd å førestille seg det vi ser. Krigsfly og helikopter bombar område etter område, fortalte eit vitne til Reuters.
– Ser stille ut
Ein BBC-korrespondent i Tripoli seier militæret er tungt inne i byen også i dag, men at det elles ser stille ut.
– Tysdag morgon ser det ut til å vere stille her etter ei frykteleg natt. Folk er redde og held seg heime, seier han til BBC.
Han seier det er veldig lite folk i gatene og at byen er avstengd.
– Innbyggjarane i Tripoli har stadfesta at områda rundt Den grøne plassen vart angripne i går, seier han.
– Soldatar skyt sivile
Vitna fortel til Al-Jazeera tysdag føremiddag at jagarfly har bomba deler av byen i ferske angrep og at leigesoldatar skyt på sivile.
Ifølgje vitna skal så mange som 300 menneske vere drepne i valdsepisodar dei siste dagane.
Meldingane er ikkje stadfesta av uavhengige kjelder.
- Følg med:
- Les også:
