Netanyahu talte direkte på israelsk fjernsyn kl. 1930 i kveld. Han gjorde det klart at Hamas ikkje vil greie å hindre at Israel oppnår sine mål med angrepet på Gazastripa.
– Ein klar beskjed
Israels forsvarsminister Ehud Barak.
Foto: JACK GUEZ / Afp– I dag har vi sendt ein klar beskjed til Hamas og andre terrororganisasjonar ved å ta livet militærsjefen deira. Og vi er klare til å trappe opp operasjonen i Gaza, dersom det er naudsynt, sa Netanyahu blant anna.
Netanyahu gjorde det klart at Israel ikkje kan leve med rakettangrep mot innbyggjarane i grenseområdet.
– Vi vil gjere alt som er naudsynt for å verne innbyggjarane våre, sa han blant anna.
– Langt frå over
Forsvarsminister Ehud Barak var saman med Netanyahu under sekvensen på israelsk fjernsyn. Han sa at operasjonen på Gazastripa langt frå er over, og at luftangrepa alt har gjort stor skade på den militære infrastrukturen til Hamas.
Han sa blant anna at dei hadde teke ut det meste av dei langtrekkjande rakettane Hamas har i sitt arsenal. Barak sa også at det israelske rakettforsvaret, «The Iron Dome» i løpet av kvelden og ettermiddagen har skote ned 13 palestinske rakettar nær byen Bersheeba.
LES OGSÅ:
LES OGSÅ:
