President Abd-Rabbu Mansour Hadi tok helikopter ut av landet, saman med diplomatar frå hans allierte i Saudi-Arabia, melder nyheitsbyrået AFP.
Men Reuters får opplyst, av to av presidentens medarbeidarar, at han framleis er i hamnebyen Aden og ikkje har planar om å reise.
Det har vore harde kampar utanfor Aden i dag, der Houthi-militsen har teke kontroll over ein flybase. Det skal også ha vore gjennomført luftangrep mot bygningen der presidenten skal opphalde seg, om han framleis er i byen.
Reuters melder også om at saudiske styrker ruster opp langs grensa til Jemen på grunn av dei siste dagers hendingar.
Presidenten har blitt pressa stadig meir tilbake dei siste månedane, og i februar måtte han flykte frå hovudstaden Sana til Aden.
NRKs Midtaustenkorrespondent, Sigurd Falkenberg Mikkelsen, om situasjonen i Jemen.
Soldatar som er lojale til president Hadi køyrer ei stridsvogn i den sørlege Lahej-provinsen i Jemen. I dag har presidentens styrker vore i harde kampar med Houthi-militsen.
Foto: STRINGER / ReutersBa om hjelp hos FN
Før helga sende Hadi eit brev til FNs Tryggingsråd og bad om hjelp. Presidenten ønskja støtte frå andre land i kampen mot Houthi-militsen, som i lengre tid har kjempa mot presidenten, og som for tida kontrollerer hovudstaden Sanaa.
Men Hadi fekk aldri resolusjonen som opna for at andre land kunne gi militær støtte til regimet i Jemen, slik han hadde håpa. Tryggingsrådet vedtok i staden for eit presidentutsegn, der dei gjorde det klart at dei følgde situasjonen nøye.
- LES OGSÅ:
Og dermed er det grunn til å tru at også Tryggingsrådet får med seg dagens nyheiter om at Houthi-militsen har vore i nye harde kampar utanfor Aden der president Hadi no finn seg.
Vitne som nyheitsbyrået Reuters har vore i kontakt med seier at militsen no har kontroll over flybasen som ligg rundt seks mil utanfor Aden.
Iran og Saudi-Arabia er ute etter regional makt
Mange er no uroa for at konflikten i Jemen kan bli ei regional konflikt. Houthi-militsen, som består av sjiamuslimar, får støtte frå Iran.
- LES OGSÅ:
Analytikarar meiner at Iran no har sjansen til å skaffe seg meir regional makt på grunn av at USA har losna grepet i håp om å dra i land ein avtale om Irans atomprogram.
Men når det sunnidominerte Saudi-Arabia også er ute etter regional makt kan konflikten i Jemen fort bli kjelda til ei regional storkonflikt, meiner fleire ekspertar.
I førre veke gjennomførte også IS sitt første store angrep inne i Jemen, då 142 personar vart drepne i fleire sjølvmordsangrep mot fleire moskear.
Situasjonen i Jemen var tema i Urix tysdag 24. mars. Få ei oppdatering på kva som skjer i Jemen, og høyr kva frilansjournalist Raymond Lidal, som er busett i Jemen, seier om situasjonen i landet.
