– Har identifisert mistenkt for Ankara-terror

Tyrkiske styresmakter seier dei har identifisert ein av terroristane bak det dødelege angrepet mot ein fredsmarsj i Ankara nyleg. Det er teke beslag i store mengder bombevestar, Kalasjnikov-gevær og ammunisjon.

TURKEY-POLITICS-BLAST

102 menneske vart drepne i terroraksjonen mot ein fredsmarsj i Ankara laurdag 10. oktober.

Foto: FATIH PINAR / Afp
Bent Tanstad
Journalist

Tyrkias statsminister Ahmet Davutoglu seier at dei ved hjelp av DNA-testar har greidd å identifisere ein av dei to mistenkte bombemennene, som tok med seg over 100 menneske i døden under ein fredsmarsj i den tyrkiske hovudstaden.

Davutoglu opplyser at terroristen er identifisert som Yunus Emre Alagoz frå byen Adiyaman i det sørlege Tyrkia, ein by rekna for å vere tilhaldsstad for eit stort miljø av militante islamistar.

Opplæring i Syria

Ahmet Davutoglu

Tyrkias statsminister Ahmet Davutoglu seier ein av Ankara-terroristane er identifisert.

Foto: UMIT BEKTAS / Reuters/NTB Scanpix

Statsministeren seier også at dei er på god veg til å identifisere den andre mistenkte terroristen. Begge to skal ha fått opplæring i Syria, og tyrkiske styresmakter meiner dei var knytte til Den islamske staten (IS). Styresmaktene har også sagt at dei mistenkjer den kurdiske PKK-geriljaen for å ha vore med på angrepet.

Mistenker IS for terrorangrepet i Ankara

Ein talsmann for den tyrkiske påtalemakta seier at Alagoz kom til Tyrkia frå «eit naboland ved år sørlege grense med det mål å gjennomføre angrepet». Broren til Alagoz er mistenkt for å ha gjennomført eit sjølvmordsangrep i juli i år i Suruc, ein by nær grensa til Syria, der 34 menneske vart drepne.

Statsminister Davutoglu seier at politiet etterforskar moglege band mellom angrepet i Ankara og angrepet i Suruc, pluss eit angrep i byen Diyarbakir i juni i år, der fem menneske vart drepne.

Islam Tea Shop i Adiyaman i Tyrkia.

Islam Tea Shop i Adiyaman er no stengt, men var tilhaldsstad for to terrormistenkte brør frå byen.

Foto: STRINGER/TURKEY / Reuters

Her danser Göksel for fred sekunder før det smeller

– Angreip for å skape uro før valet

Stort våpenbeslag

Den tyrkiske påtalemakta opplyser at det er teke beslag i 11 sjølvmordsvestar, 22 handgranatar, seks Kalasjnikov-gevær, 1683 kuler og fleire hundre kilo eksplosiv under ransaking av bustader og køyretøy som høyrer til mistenkte i saka. Det er også teke beslag i ein bil påtalemakta meiner vart brukt under angrepet i Ankara.

Til saman er 768 personar arresterte på mistanke om band til IS etter angrepet i Suruc i juli, men mange av dei er sette fri. I går vart 50 utanlandske statsborgarar arresterte, mistenkte for å vere med i IS.

Det er parlamentsval i Tyrkia 1. november.

Tyrkia: Sikkerhetssjefer sparket

Laster kart, vennligst vent...
Laster innhold, vennligst vent..
Laster innhold, vennligst vent..

SISTE NYTT

Siste nytt