NRK Meny
Normal

– Det er heilt fantastisk. It's awesome!

– Det er heilt fantastisk å vere heime att, sa journalisten Peter Greste, som i dag kom heim til Brisbane etter 400 dagar i egyptisk fengsel. Der langa han ut mot Egypt.

Peter Greste kjem heim etter 400 dagar i egyptisk fengsel.

Peter Greste fekk to saftige kyss av mor Lois og far Juris då han landa i Brisbane rundt halv fem i dag. Sjå video av mottakinga han fekk.

– Om det er rett for meg å gå fri, så er det også rett at dei andre eg var fengsla med skal gå fri, sa Greste til den frammøtte pressa på flyplassen i Brisbane i Australia.

Al-Jazeera-journalisten Peter Greste har dei siste 400 dagane vore fengsla i Egypt, der han har vore skulda for å støtte det tidlegare regjeringspartiet Den muslimske brorskapen, som i dag er bannlyst i Egypt.

Møtt av enormt pressekorps

Saman med han har også den kanadisk-egyptiske journalisten Mohamed Fahmy og egyptiske Baher Mohamed vore fengsla. Og det var desse som Greste i dag tok til orde for å få sett fri.

Laster Twitter-innhold

Greste vart på søndag slept fri frå fengselet i Kairo, og kunne etter kvart reise heim att til Australia. Foreløpig er ikkje hans to kollegaer fått den same fridomen.

I dag vart Greste møtt av familie, vener og eit enormt pressekorps i heimbyen. Der har familien hans lova at han skal få det beste han veit - nemleg øl og reker.

Al Jazeera-journalistene Mohamed Fahmy, Baher Mohamed og Peter Greste

Peter Greste, til høgre, har saman med kollegaene Mohamed Fadel Fahmy, til venstre, og Baher Mohamed vore fengsla i 400 dagar.

Foto: Heba Elkholy / Ap

Al Jazeera kjemper vidare

I Egypt held derimot kampen fram, og al-jazeera har kravd at også Fahmy og Mohamed må bli lauslatne.

– Me vil ikkje kvile før Baher og Mohamed også får fridomen tilbake, har direktør i Al-Jazeera, Mostefa Souag sagt.

Al Jazeera er no bannlyst i Egypt. TV-kanalen er eigd og driven av staten Qatar, som var ein viktig støttespelar for Den muslimske brorskapen.

Laster innhold, vennligst vent..
Laster innhold, vennligst vent..

SISTE NYTT

Siste nytt