NRK Meny
Normal

59 sakna etter jordskred i Kina

I Kina er 59 menneske sakna etter at det gjekk eit stort jordskred i Guangdong-provinsen søndag. Meir enn 20 bygningar er dekte av jord og gjørme som følgje av skredet.

27 personer er savnet etter et jordskred i Kina

Jordskredet gjekk gjennom ein industripark i byen Shenzhen i den sørlege delen av Kina.

22 bygningar ligg no i eit hav av gjørme, ifølgje statlege medium. Skredet dekkjer eit område på 20.000 kvadratmeter.

CHINA-LANDSLIDE Firefighters search for survivors among the debris of collapsed buildings after a landslide hit an industrial park in Shenzhen, Guangdong province, China

Redningsarbeidarar leitar etter overlevande. Jordskredet har ført til enorme skadar.

Foto: TYRONE SIU / Reuters

Augevitne fortel at store mengder med raud jord og gjørme pressa seg fram gjennom industriparken med stor fart. Både fabrikkar og bustadhus blei dekte. Nokre bygningar fekk også svært store skadar.

Ei kvinne fortel at ho såg ein lastebil, som far hennar sat i, bli dekt av jord.

Minst 900 menneske blei evakuerte før jordskredet kom inn i industriområdet.

CHINA-LANDSLIDE Furniture is pictured among the debris of collapsed buildings after a landslide hit an industrial park in Shenzhen, Guangdong province, China

Det ligg både møblar og anna inventar i ruinane etter samanrasa bygningar.

Foto: TYRONE SIU / Reuters

– Heldigvis blei ikkje fabrikken vår treft, og alle som arbeider i vårt selskap blei evakuerte til ein trygg stad, fortel ein fabrikkarbeidar til det offisielle nyheitsbyrået Xinhua.

President Xi Jinping og statsminister Li Keqiang har bedt om at alle nødvendige ressursar blir sette inn i redningsarbeidet. Styresmaktene har sendt ei gruppe som samordnar innsatsen på staden.

Meir enn 1500 redningsarbeidarar arbeider med å gjennomsøkje området. Ifølgje nyheitsbyrået Xinhua er 27 menneske sakna. Tre er skadde. Andre medium, og lokale styresmakter, oppgir talet på sakna til 59.

CHINA-LANDSLIDE Damaged buildings are seen as rescuers search for survivors after a landslide hit an industrial park in Shenzhen, Guangdong province, China

Mange bygningar har rasa saman etter at jordskredet råka industriparken i byen Shenzhen.

Foto: TYRONE SIU / Reuters

Skredet kutta også ein røyrleidning med naturgass, noko som førte til ein eksplosjon som kunne høyrast fire kilometer unna.

Årsaka til skredet er ikkje kjent.

Laster innhold, vennligst vent..
Laster innhold, vennligst vent..

SISTE NYTT

Siste nytt