Ulukka skjedde i dag tidleg på hovudvegen mellom Marrakech og Ouarzazate sør i landet. 25 skadde vart tekne til ulike sjukehus i området, og situasjonen skal vere alvorleg for fem av dei.
Det er uklart om det var utlendingar om bord i bussen. Marokkanske aviser melder at alle om bord var marokkanarar, men dette er ikkje offisielt stadfesta. Marrakech er eit populært turistmål, og det er mange turistar i området.
Det er uklart kva som gjorde at bussen hamna utfor vegen og ned i den 150 meter djupe kløfta.
Dette er truleg den verste bussulukka nokon gong i Marokko.
