Regnvêret er det verste som har åka Beijing på 61 år, og det er venta meir nedbør både nordaust og sørvest i Kina i dag, ifølgje statlege medium.
Kaos i gatene
– Gamle kvinner vassa gjennom gatene, og butikkeigaar prøvde desperat å leie vatnet unna butikkane sine, seier 20 år gamle Reece Ayers, ein britisk student i Beijing til BBC.
Den britiske studenten i Beijing seier til BBC at regnvêret var så voldsomt at det var som å stå under ein foss. Ein annan seier han var livredd for å dette ned i ein av dei mange kummane som ikkje var synlege på grunn av alt vatnet.
Bilen under tre meter med vatn
Regnet pøste ned over Beijing heile laurdag. Kraftige vindkast har teke med seg hustak og regnet har ført til oversvømte gater.
På ein av ringvegane i byen omkom ei kvinne etter at bilen hennar blei ståande under tre meter med vatn i ein undergang.
Andre mista livet i trafikkulukker og på grunn av tak som raste saman. Ein politimann døydde av elektrosjokk idet ei straummast fell ned.
Talet på omkomne kan kome til å stige fordi eit ukjent tal menneske er sakna, deriblant fleire redningsfolk.
Jordras og innstilte flyavgangar
Dei 50 000 innbyggarane er for det meste evakuerte frå høgtliggande område i utkanten av Beijing på grunn av jordras.
Nord i landet, i provinsen Shanxi, har fire personar mista livet og minst éin personer sakna etter at ein bil blei teken av flaumen då den var på veg over ei bru.
I gjennomsnitt fall det 170 mm regn i løpet av laurdagen. I tillegg til at ei rekkje vegar står under éin meter vatn, er over 500 flygningar frå Beijing innstilt.