NRK Meny
Normal

26 døde etter togkrasj i Sør-Afrika

26 personar omkom fredag då eit godstog kolliderte med ein lastebil som var i ferd med å kryssa togskinnene. Lastebilen var fullasta med gardsarbeidarar.

Togulukke i Sør-Afrika

Togulukka i Malelane skal vera den verste i regionen sidan 1994.

Foto: SIPHIWE SIBEKO / Reuters

Ulukka skjedde klokka 07.30 norsk tid nær byen Malelane i den austlege provinsen Mpumalanga. Det blei først rapportert om 20 døde, men i ettermiddag er talet oppe i 26.

Godstoget, som transporterer kol til Mosambique, pløydde inn i lastebilen og drog det fire tonn tunge køyretøyet med seg bortover skinnene i opp mot to kilometer.

– Det ser ut til at lastebilsjåføren kan ha kryssa togskinnene utan å sjå seg skikkeleg til begge sider først, opplyser Thulani Sibuyi, leiaren for departementet for samfunnstryggleik i provinsen.

Det var i alt 40 arbeidarar om bord i lastebilen. Over 20 av dei er alvorleg såra, og frakta til sjukehus

– Etter det eg kjenner til er dette den verste togulukka i vår region sidan 1994, seier Joseph Mabuza, ein talsmann for departementet.

Innholdet som skulle vises her støttes dessverre ikke lenger.

Laster innhold, vennligst vent..
Laster innhold, vennligst vent..

SISTE NYTT

Siste nytt