Hopp til innhold

19 omkom i flyulukke i Nepal

Mange turistar var blant dei 19 omkomne då eit fly styrta i Nepal søndag.

BUTAN-NEPAL-AIR-CRASH

Eit lite fly av denne typen, med plass til 16 passasjerar, styrta søndag då det var på veg ned frå Mount Everest, Nepal.

Foto: Ed Jones / Afp

Ulukkesflyet var på veg til Katmandu etter ein omvisingstur opp til Mount Everest då det køyrde inn i ei fjellside ved Godavari, ti kilometer frå flyplassen.

Årsaka til havariet er ikkje kjend, men det var kraftig regnvêr og tåke i området då flyet krasja.

Éin døydde på sjukehus

Passasjerane om bord i flyet var 16 turistar frå ulike land: ti indarar, to amerikanarar, éin japanar, tre nepalarar og eit mannskap på tre personar.

– Me frakta ein overlevande til sjukehuset, men han døydde under behandlinga, seier talsmann for politiet Binod Sigh.

Augevitne fortel til lokale TV-stasjonar at flyet var i veldig låg høgde, og at det kom flammar ut frå luftfartøyet like før krasjet.

– Det flaug overraskande lågt. Så krasja det i fjellet og det oppstod ein kraftig eksplosjon.

Det vesle flyet tilhøyrde privatselskapet Buddha Air og var av typen Beechkraft 1900 D. Selskapet flyr innanriksruter i Nepal.

SISTE NYTT

Siste nytt