Normal

Lavrov skuldar vestlege land for å ha bygd opp Mali-opprørarar

– Dei islamistiske opprørarane som no kjempar mot franske styrkar i Mali, er dei same Vesten utstyrte med våpen i kampen mot Muammar Gaddafi i Libya, seier Russlands utanriksminister Sergej Lavrov.

Franske soldatar på patrulje i Mali.

Franske soldatar kjempar mot opprørarar i det afrikanske landet Mali.

Foto: Thibault Camus / Ap

Lavrov er sterkt uroa over situasjonen i Nord-Afrika, som han meiner er ute av kontroll. Området flyt over av våpen, og mykje av våpna kjem nettopp frå Libya, meiner han.

Russlands utenriksminister Sergej Lavrov

Russlands utanriksminister Sergej Lavrov meiner at dei vestlege landa sjølve har bygd opp den militære styrken til opprørarane i Mali.

Foto: YURI KADOBNOV / Afp

Han meiner dei vestlege land sjølve har bygd opp styrken til dei krigarane som no kjempar for å innføre ein streng islamistisk stat i Mali. Og dei som stod bak terrorangrepet i Algerie sist veke har same røtene, meiner han.

Støtta Mali-resolusjon

Russland støtta ein resolusjon i Tryggingsrådet i FN som tillet ein militær intervensjon i Mali, og landet røysta ikkje mot resolusjonen i Tryggingsrådet som opna for intervensjon i Libya i 2011.

Russland har likevel gjort det klart at dei meiner at USA og NATO gjekk ut over dette mandatet då det vart sett inn bombefly mot Gaddafi-regimet.

Målet med den franske og afrikanske aksjonen i Mali er å hindre framveksten av ekstrem islamisme i Nord-Afrika, men Lavrov er ikkje særleg optimistisk.

LES OGSÅ: Barberer skjegg og fjerner turban for å unngå regjeringshærens hevn

LES OGSÅ: Clinton advarer mot radikalisering i Nord-Afrika

– Ute av kontroll

– Terrorhandlingar skjer nesten dagleg, det er ei ukontrollert spreiing av våpen, militante islamistar infiltrerer over heile Sahara, sa Lavrov blant anna i dag.

Den russiske utanriksministeren gjer det klart at situasjonen i Mali er ein konsekvens av det som skjedde i Libya i 2011. Også USAs utanriksminister Hillary Clinton seier at det ikkje er tvil om at Al Qaidas avleggjar i Nord-Afrika, Al Qaida i Maghreb (AQIM), har fått våpen frå Libya.

Samstundes avviser Lavrov meldingar om at Russland har lovd å hjelpe Frankrike med transport av soldatar til Mali.

LES OGSÅ: – Angrepet var en ond, villet handling

LES OGSÅ: Oljesmurte korsfarere?

– Tidsinnstilt bombe

– Det er viktig no å lyfte hovudet sitt litt og sjå over horisonten, gå djupare inn i problematikken. Konfliktane i Midtausten og i Nord-Afrika heng saman og vil vere ei tidsinnstilt bombe i fleire tiår framover, sa Sergej Lavrov i dag.

LES OGSÅ: Truer landene som deltar i militæroperasjonen i Mali

Laster innhold, vennligst vent..
Laster innhold, vennligst vent..

SISTE NYTT

Siste nytt