- Terrortrusselen er høgst reell

I eit intervju med NRK.no i dag seier den norske terrorforskaren Helge Lurås at terrorfaren er blåst ut av proposjoner .

Også den tyske innanriksministeren, Thomas de Maiziere, sa tidlegare i dag at det ikkje er nokon grunn til å slå alarm, og han trur at slik opphausing av terrorfaren berre er med på å hjelpe terroristane med å skape panikk.

LES OGSÅ: Frankrike advarer om terrorfare i Storbritannia

LES OGSÅ: Livstid for Times Square-bombemann

- Reell trussel

Gilles de Kerchove er ikkje samd i dette.

- Denne trusselen er reell. Eg trur ikkje styresmaktene går ut og opplyser om faren utan grunn, sa de Kerchove til EUs offisielle fjernsynsstasjon i ettermiddag. Han sa at terrortrusselen har vore der ei stund, og at det ikkje har skjedd noko i det siste som har gjort trusselen mindre.

Belgiske Gilles de Kerchove trur at terrortrusselen har vore der heile tida, sjølv om det ikkje har vore alvorlege angrep i Europa på ei stund.

- Det at det ikkje har vore angrep på lenge gjer ikkje at faren er borte, seier han.

LES OGSÅ: Mistenkjer band til terrornettverk

LES OGSÅ: – Hovudmenn bak terrortrussel mot Europa drepne

Svekt av droneangrep

De Kerchove trur at Al Qaida har blitt betydeleg svekt etter dei mange amerikanske droneangrepa mot gøymestadene deira i det uvegsame grenseområdet mellom Pakistan og Afghanistan, og at dette kan auke faren for angrep.

- Dei er hardt ramma av droneangrepa, og kanskje nettopp derfor ynskjer dei å setje i verk symbolangrep for å gjenreise ryktet sitt, seier han.

Antiterrorsjefen meiner at Al Qaida sine avdelingar i Afghanistan og Pakistan, saman med tilnytte organisasjonar på den arabiske halvøya, utgjer ein alvorleg trussel mot Europa. Han åtvarar også mot at mange sympatisørar, som er statstborgarar i land i Europa, er ivrige i å bli med i den heilage krigen til Al Qaida.

Både USA, Frankrike, Storbritannia, Sverige og andre land har åtvara innbyggjarane sine mot fare for terrorangrep i Europa.

LES OGSÅ:

Tysk statsborgar

Bakgrunnen er opplysningar frå ein tysk statsborgar som blir halden i fengsel i Afghanistan. Han skal ha gitt opplysningar om at Al Qaida vil prøve å gjennomføre angrep i Storbritannia, Frankrike og Tyskland etter mønster frå terrorangepa mot Mumbai i India i 2008.

Ein amerikansk tenestemann seier til nyheitsbyrået AFP at opplysningane blir støtta av stadig fleire informasjonskjelder.

Den pakistanske ambassadøren i Washington, Hussein Haqqani, seier til BBC at auken i droneangrep mot Al Qaida-celler i Pakistan skuldast nettopp desse planane om terrorangrep i Europa.

25 droneangrep

Pakistanske styresmakter har rapportert om 25 amerikanske angrep frå droner, altså førarlause fly, sidan 3. september. 140 mistenkte opprørarar er drepne. Seinast i dag vart fem personar drepne. Måndag vart åtte drepne i same området, blant dei fem tyske statsborgarar.

Stadig fleire tyskarar med afghansk og pakistansk bakgrunn har søkt seg til Al Qaida-grupper i grenseområdet mellom Afghanistan og Pakistan dei siste åra.