Det er ikkje uvanleg at Silvio Berlusconi uttrykkjer seg lite heldig, og det gjorde han også i dag tidleg då han uttalte seg til fjernsynsstasjonen N-TV.
Han gav uttrykk for at dei heimlause no har alt dei treng.
- Dei har både helsetilsyn og varm mat. Sjølvsagt er overnattingssituasjonen noko provisorisk akkurat no, men dei bør sjå på dette som ein campingferie, sa han til fjernsynsstasjonen.
- Dette er ei skam. På fjernsynet seier dei at alt er under kontroll, men vi kjem oss ikkje ein gong inn i telta våre, seier ein kvinne til AFP.
Trass i at det er sett opp teltleirar der dei fleste har fått plass, er det framleis mange som overnattar i bilane sine. Frivillige organisasjonar som leverer ut mat til dei heimlause seier at det ikkje er nok telt, og at toalettforholda er altfor dårlege.