Provokativ signalpolitikk, kallar den svenske forsvarsministeren Peter Hultqvist den russiske utplasseringa av Iskander M-rakettar i Kaliningrad. Han seier til
at det er spesielt alvorleg at dei utplasserte rakettane kan utstyrast med atomvåpen.Det var sist fredag at eit russisk skip, eskortert av jagarfly, frakta Iskander-rakettane over Austersjøen til Kaliningrad.
– Omfattande militarisering
– Dette er ikkje bra. Det påverkar alle landa rundt Austersjøen i negativ retning, seier Hultqvist. Han har lenge åtvara mot den russiske opprustinga og dei stadig meir avanserte øvingane russarane driv i nærområda til Sverige.
Han ser stadig fleire teikn på ei omfattande militarisering i Russland, og meiner det er heilt tydeleg at Russland har til hensikt å styrkje si militære slagkraft i Austersjø-området.
– Utplasseringa av rakettar som kan bere kjernevåpen gir dette ein ekstra dimensjon. Det er eit urovekkjande og provokativt signal, seier den svenske forsvarsministeren.
Iskander-systemet kan med stor presisjon slå ut mål opp til 500 kilometer borte. Dermed er heile det sørlege Sverige opp til Stockholms-området innanfor området rakettane kan nå.
– Aukande trussel
– Trusselen frå russiske rakettar er aukande. Eit mareritt-scenario er at Russland går til angrep på Sverige med bombefly, med rakettar frå Kaliningrad, frå marinefartøy i Barentshavet og frå ein ubåt i Nordsjøen. Då blir det ikkje lett å forsvare seg, seier Peter Hultqvist.
Også dei baltiske landa og Polen, som alle er med i NATO, er sterkt uroa over den russiske opptrappinga i nærområdet deira. Iskander er eitt av dei
i det russiske rakettprogrammet.Ein utskytingsrampe kan fyre av 24 rakettar utan å måtte lade om. Berlin og Warszawa er også innanfor rekkevidd. Iskander er først og fremst laga for å øydeleggje militære mål som kommandosentralar, flyplassar og heile militære avdelingar.
– Stor grunn til uro
Den polske forsvarsministeren Antoni Macierewisz seier til nyheitsbyrået Reuters at meldinga om rakettutplasseringa i Kaliningrad gir grunn til stor uro, og at polske styresmakter følgjer situasjonen svært nøye.
UD i Litauen kritiserer også utplasseringa, som dei meiner aukar spenninga i regionen, underminerer tilliten og har ein negativ effekt på tryggleiken i regionen.