Dersom det viser seg at opprørarane verkeleg har teke kontroll over Raqqa, så er dette den første større byen i landet dei har teke kontroll over i løpet av dei to åra opprøret mot regimet til Bashar al-Assad har halde på.
Reiv ned gigantstatue
Opprørarane greidde i dag å rive ned ein gigantisk statue av den tidlegare sterke mannen i Syria, Hafez al-Assad, faren til den noverande leiaren Bashar al-Assad.
Tidlegare i dag melde eksilgruppa Syrian Observatory for Human Rights (SOHR) at opprørsgruppene hadde nesten full kontroll over byen. Då var unntaket nokre regimebasar, blant anna hovudkvartera til politiet og det regjerande Baath-partiet.
Strategisk viktig
Raqqa ligg ved elva Eufrat nær grensa til Tyrkia. Byen blir rekna som strategisk viktig, og opprørarane skal også ha teke kontroll over vegen som går frå Raqqa til Tyrkia.
Leiaren for SOHR, Rami Abdelrahman, seier at den islamistiske gruppa Al Nusra kjempar side om side med andre opprørsgrupper i byen. Al Nusra-fronten er skulda for å samarbeide med terrornettverket Al Qaida.
Raqqa har normalt rundt 240.000 innbyggjarar, men sidan borgarkrigen starta har rundt 800.000 menneske frå andre delar av Syria søkt tilflukt i byen.
LES OGSÅ:
LES OGSÅ:
LES OGSÅ:
LES OGSÅ: