Den 19.juni melde den statlege egyptiske fjernsynskanalen MENA at Hosni Mubarak var klinisk død etter eit hjerneslag.
Ifølgje forsvararen var Mubarak framleis i livet, men tilstanden hans var kritisk. Helsa til 84-åringen skal ha vore så dårleg at han blei flytta frå Torah fengselet til militærsjukehuset Maadi for behandling og overvaking.
Knapt ein månad seinare meiner påtalemakta i landet at Mubarak har vorte frisk nok til å bli øverførd til fengselet att.
Mubarak er dømd til livstid i fengsel for drap på demonstrantar under revolusjonen i Egypt vinteren 2011. Demonstrasjonane mot regimet enda med at Hosni Mubarak omsider gjekk av som president.
Mubarak trekte seg frå presidentvervet etter fleire veker med massive, valdelege protestar i gatene i fleire store byar, som Kairo og Alexandria. 84-åringen hadde då sete 30 år ved makta.
