Samtalane held fram i morgon tidleg. Det er 14 månader sidan sist dei faste medlemslanda i Tryggingsrådet i FN møtte iranske utsendingar for å diskutere landet sitt atomprogram.
LES OGSÅ:
LES OGSÅ:
- Konstruktive samtalar
Eksil-iranarar demonstrerte mot det iranske atomprogrammet utanfor FN-bygningen i Geneve.
Foto: VALENTIN FLAURAUD / ReutersDei faste medlemslanda er USA, Kina, Russland, Storbritannia, Frankrike og Tyskland. Det er toppdiplomaten Catherine Ashton som leier delegasjonen frå stormaktene.
Ein tenestemann i den iranske delegasjonen kallar samtalane i dag for konstruktive og framgangsrike. Han seier at målet for samtalane i Geneve er å bli samde om eit rammeverk for vidare forhandlingar om atomnedrusting og eit sivilt atomsamarbeid.
- Iran sin rett til eit atomprogram er ikkje eit diskusjonstema. Om vi blir samde om eit rammeverk, blir det fleire rundar med samtalar, seier tenestemannen.
LES OGSÅ:
LES OGSÅ:
God atmosfære
Ei vestleg kjelde seier til nyheitsbyrået AFP at møtet i dag var godt, konstruktivt og halde i ein god atmosfære.
- Vi hadde ting å snakke om, derfor varte møtet så lenge. Mange tema var på bordet, seier kjelda, inkludert atomspørsmålet.
Ei franske kjelde seier at samtalane i dag i hovudsak har handla om atomspørsmål.
Det er ingen store forventningar om eit gjennombrot i samtalane i Geneve. I går kveld annonserte den iranske atomsjefen, Ali Akbar Salehi, at landet hadde lukkast med å produsere sitt første parti med urankonsentrat.
LES OGSÅ:
LES OGSÅ:
Sterkt signal
Dette blir tolka som eit sterkt signal om at Iran ikkje har planar om å gi etter for det internasjonale presset mot landet sitt atomprogram.
Omverda fryktar at Iran er i ferd med å skaffe seg atomvåpen, men landet sjølv hevdar at atomprogrammet berre er til sivilt bruk.
Under samtalane i FN-bygningen i Geneve i dag demonstrerte eksil-iranarar utanfor med plakartar og slagord mot det iranske prestestyret og atomprogrammet.
