- Ekteparet hadde kontakt med Nusrafronten

Den velrenommerte avisa siterer kjelder i påtalemakta i California. Nusrafronten har sverja truskap til terrornettverket Al Qaida, medan Al Shabaab i Somalia har stått bak fleire blodige terroraksjonar i Somalia og nabolandet Kenya.

FBI sa i går kveld at ekteparet, som onsdag massakrerte 14 menneske under ein førjulslunsj inne på eit servicesenter for funksjonshemma i San Bernardino i California, neppe var medlemer av ei islamistcelle eller ei større organiserte gruppe.

Etterforskar som terrorangrep

Syed Farook deltok sjølv på samkoma, men reiste brått frå staden etter det som skal ha vore ein krangel. Kort tid kom han tilbake saman med kona, begge tungt væpna og kledde i stridsutrusting, og skaut vilt mot deltakarane på arrangementet. I tillegg til 14 drepne vart 21 menneske såra.

FBI, som har ansvaret for etterforskinga, at dei ikkje hadde funne bevis for at dei to hadde fått ordre om angrepet frå nokon utanfrå. FBI-sjef James Comey gjorde det likevel klart at dei etterforskar det som skjedde som eit terrorangrep.

CNN melde i går at Tashfeen Malik , som kom til USA frå Saudi-Arabia i fjor, sverja truskap til IS-leiar Abu Bakr al-Baghdadi på ein Facebook-konto som var oppretta i eit anna namn. Ifølgje nyheitsbyrået AP låg hyllinga ute på Facebook medan skytinga gjekk føre seg. Kjelde for denne informasjonen er ein høgtståande tilsett i Facebook.

Møttest på datingside

Kjelda seier at dei oppdaga meldinga dagen etter skytinga, og at meldinga vart fjerna og saka rapportert til den amerikanske påtalemakta.

Advokaten David Chesley, som representerer familien til ekteparet, opplyste i går at Farook og Malik møtte kvarandre på ei datingside på nettet i 2013, og at dei gifte seg i 2014 i Saudi-Arabia. Malik var opphavleg frå Pakistan.

Han opplyser at familien visste at Farook og Malik hadde våpen, men at dei ikkje tenkte så nøye over det, fordi våpena var kjøpte på lovleg vis. Politiet fann store mengder våpen, ammunisjon og 12 bomber heime hos ekteparet .

Chesley seier også at familien til Farook veit svært lite om Tashfeen Malik.

– Vi har lite informasjon om henne, bortsett frå at ho var tradisjonell og religiøs, sa Chesley blant anna. Han la til at familiemedlemene ikkje hadde mistanke på at korkje mannen eller kona hadde ekstreme synspunkt.

Søsteren ringte med skuddskader: – Jeg elsker deg

– Det var et ubeskrivelig blodbad

UPS-lokale evakuert

Det er framleis svært spent stemning i San Bernardino. I natt norsk tid vart lokala til fraktselskapet UPS i byen evakuerte etter funn av ein pakke adressert til Syeed Farook og Tashfeen Malik.

Politisjef Jarrod Burguan seier at pakken kom frå eit seriøst selskap, og det viste seg også etter at bombeekspertar hadde undersøkt pakken at innhaldet var ufarleg.

Navnene på de drepte i San Bernardino frigitt