17 sivile er drepne av syriske tryggingsstyrkar, medan fire andre vart drepne då det vart avfyrt ein granat mot ein demonstrasjon til støtte for det sitjande regimet til Bashar al-Assad.
Verst i Homs og Idlib
Gruppa Syrian Observatory for Human Rights, som har hovudkvarteret sitt i Storbritannia, seier i ei fråsegn at elleve sivile vart drepne i opprørsbastionen Homs sentralt i landet. Blant desse var dei fire som deltok i ein demonstrasjon til støtte for regimet.
Det blir ikkje sagt noko om kven som står bak dette angrepet.
Ti sivile vart drepne i Idlib-provinsen nordvest i landet, opplyser menneskerettsgruppa.
Dette skjedde same dag som dei 26 som vart drepne i eit
fredag, vart gravlagde. Syriske styresmakter lovar å slå tilbake mot angriparane med ein «jarnneve».Skuldar på Al Qaida
Makthavarane i Syria meiner at grupper med tilknyting til den internasjonale terrororganisasjonen Al Qaida stod bak både dette angrepet og eit anna sjølvmordsangrep 23. desember i fjor, der 44 menneske vart drepne.
Opposisjonen skuldar det syriske regimet for sjølv å ha gjennomført desse angrepa, for å skaffe seg sympati i kampen mot den stadig sterkare motstanden mot Bashar al-Assad.
Fleire tusen Assad-tilhengjarar møtte opp til gravferdene i Al Hassan-moskeen i bydelen Midan, der angrepet i går fann stad. Etter gravferdene samla ei stor menneskemengd utanfor moskeen, der dei vifta med syriske flagg og ropte slagord til støtte for Bashar al-Assad.
– Med våre sjeler og vårt blod vil vi ofre oss for deg, Bashar al-Assad, ropte folkemengda.
LES OGSÅ:
LES OGSÅ:
Mistillit til observatørar
Den syriske opposisjonen har bede Den arabiske liga trekkje sine observatørar ut av Syria og overlate oppgåve til FN. Dei meiner observatørane ikkje greier å gjere oppgåva si på ein skikkeleg måte. FNs generalsekretær Ban Ki-moon har sagt at FN er klar til å drive opplæring av observatørane.
Det er i dag 150 arabiske observatørar i Syria, og 10 nye jordanske observatørar var venta til landet i løpet av laurdag.
LES OGSÅ:
LES OGSÅ:
LES OGSÅ: