Den aller største dugnad i Norge er rett rundt hjørnet. Den 18. oktober skal 100 000 menneske gå frå dør til dør med ei bøsse i handa.
TV-aksjonen har i mange år vore den største dugnaden i Norge!
- Denne eine dagen i året går vi saman for å hjelpe dei som treng det mest, fortel Erling Kjærnes, som er aksjonsleiar for årets TV-aksjon.
Store mål
Målet er at kvar krok i Norge skal få besøk av ein person med bøsse. Alle skal få sjansen til å gje.
- Vi skal ringe på kvar ei dørklokke!
Kjærnes kallar dette for årets viktigaste søndagstur. Ein får ein tur ut og ein gjer noko bra på same tid.
Dei fleste går med bøsse i cirka to timar, og dei fleste stadar i landet startar ein rundt klokka 16.00. (Nokre byar har 18 års aldersgrense)
Hjelper kvinner
I år skal hjelpa gå til kvinner, slik at dei kan få ein betre kvardag. Med pengane som kjem inn frå årets TV-aksjon skal CARE starte spare og -lånegrupper rundt om i verda, for det meste i Afrika.
