Statsadvokat, Jan Henrik Dahle.
Aktor Jan Henrik Dahle la ned påstand om fengsel i fire år og fire månader for ein 27 år gamal mann frå Stjørdal. 27-åringen er tidlegare toppidrettsutøvar.
Påtalemakta meiner 27-åringen er hovudmann i ei stor narkotikasak som Stjør- og Verdal tingrett behandlar. Aktor meiner også at 27-åringen må betale 60 000 kroner i inndraging.
Saken omfattar nærmare ni kilo hasj og to kilo amfetamin.
Det eine partiet blei tatt inn frå Sverige til Stjørdal, mens det andre blei kjøpt i Oslo.
Aktor bad om fengsel i fire år og to månader for 30-åringen. For tre andre tiltalte i saka blei det lagt ned påstand om fengselsstraffer frå tre år til tre og eit halvt år.
- Det ligg eit reint profittmotiv bak, sa Dahle i sin prosedyre torsdag formiddag.
Dei tiltalte
Det handlar om innføring av ni kilo hasj og to kilo amfetamin. (Foto: arkiv)
"Hovudmannen", 27 år gamal mann
* Påstand om fire år og fire månader fengsel og inndraging av 60 000 kroner
Tiltalt, 30 år gamal mann:
* Påstand om fire år og to månaders fengsel og inndraging av 50 000 kroner
Tiltalt, 27 år gamal mann:
* Påstand om tre år og seks månaders fengsel
Tiltalt, 26 år gamal mann:
* Påstand om tre år og seks månaders fengsel
Tiltalt, 26 år gamal mann:
* Påstand om tre års fengsel og inndraging av 60 000 kroner