NRK Meny
Normal

Urku krydra med bjørkelauv

Radiokokken viser korleis ein kan lage salat med urkuspekepølse krydra med bjørkelauv og einebær.

Ferdig salat
Foto: Tron Soot-Ryen

Urkua i Norge er ganske sjeldan, den produserar ikkje like mykje mjølk som kua som er mest utbredt, norsk rødt fe. Trass at den er litt mindre og ikkje mjølkar like mykje, har den gamle norske kurasen ypparleg kjøt.

Radiokokk Inge Johnsen og Tron Soot-Ryen besøker garden til Ola Langleite, i Snåsa kommune.

Originalt krydder

Mens radiokokk Inge kuttar opp salat og purre, får vi ei innføring frå urkubonde Ola Langeleite om spekepølsa:

- Denne urkuspekepølsa er krydra med blant anna bjørkelauv og einebær.

- Bjørkelauv, smakar det noko særleg av det då?

- Det smakar faktisk fantastisk godt, det er eit undervurdert matkrydder. Det gjev ein litt frisk og syrleg smak, fortel langeleite.

Urkua

Urkua har nesten forsvunne heilt, men er sakte men sikkert på veg tilbake. Kjøtet er svært godt og magrare enn vanleg kukjøt.

Foto: Tron Soot-Ryen

Fordelar med urku

Gardbrukar Ola Langleite fekk interesse for urkua etter å ha lese testar av kjøt, der urku kom veldig godt ut:

- Det er mange fordelar med urkua, den er helsesterk, den er nøysam og passa veldig godt i eit ekstensivt opplegg der ein bruka mykje utmark. Slik ein gjer i økologisk landbruk feks. Denne kurasen utnyttar foret veldig godt.

Salat til spekepølsa

Radiokokk Inge Johnsen gjer klar salaten som skal til spekepølsa:

- Eg startar me å rive opp litt salat i ein bolle. Så har eg hatt oppi litt finhakka purreløk, finhakka løk og litt kantarellar. Det skal nokon få dropar olje oppe, og litt salt. og litt kverna peppar. Alt dette skal leggast på ein tallerken, saman med spekepølsa. Den kutta eg i tynne skiver, men bortsett frå det skal den få vere heil.

Dressing

- Til dressing så brukar vi rømme og tyttebær. Det er litt sånn mildt og søt, mot den skarpe smaken av spekepølse.

- Kva syns du Inge om spekepølsa, krydra med bjørkelauv?

- Eg syns det er godt, det er mykje smak i den. Den var mjuk og fin. I tillegg så er den særeigen. Og det er eit av poenga med lokal mat. Poenget er at det ikkje skal kunne kopierast, slik at folk vil sei dette har eg smakt før.

Video fra Trøndelag

Midtnytt
Jens Kvernmo får fisk i forteltet sitt. Se serien på NRK1 tirsdager klokken 20.25