26-åringen kjem frå det svenske laget Elfsborg. Rosenborg bekrefta at overgangen er i boks, og at målet er å få spissen speleklar i løpet av nokre dagar.
– Det er ein av dei største klubbane i Skandinavia, så det er ein glede for meg å komme hit, seier Jebali til rbk.no.
Han har scora 20 mål i den svenske toppserien sidan han signerte med Elfsborg i 2016.
RBK på veg til Irland
Rosenborg møter irske Cork i morgon, og Rini Coolen bekreftar kjøpet då NRK møter dei på flyplassen før avreise:
– Eg har sett Jebali spele, og han er ei god signering. Han kjem til å passe godt inn i klubben, og vi gler oss til å få han med på laget, seier Coolen.
Trenaren til Rosenborg, Rini Coolen, bekreftar at klubben har signert med tunisiske Issam Jebali.
Foto: Ole Martin Wold / NTB scanpixAllereie på sundag er neste serierunde, og då møter laget Stabæk på Lerkendal.
– Vi byrjar å trene saman med Jebali på laurdag, også håpar vi at han er speleklar til sundag, seier trenaren.
Fekk nei frå Liverpool-spelar
Jebali har signert kontrakt på fire år, og har fått draktnummer 27 i klubben.
– Eg følgjer mine draumar, og då er det perfekt for meg å komme til Rosenborg, seier 26-åringen.
Rosenborg har den siste tida jobba mykje med å få tak i nye spelar, og dei la inn bod på spanske Pedro Chirivella. Ifølgje Liverpool Echo skal det ha vore snakk om ein kjøpesum på rundt 38 millionar kroner, men Liverpool-spelaren takka nei.
Ifølge Liverpool Echo takka spanjolen nei til Rosenborg, då han meiner ein overgang til Noreg ikkje er det riktige for han.
Foto: Carl Recine / Reuters
