Trond Giske klagar inn fem aviser til Pressens Faglige Utvalg, melder VG. Utvalet er pressa sitt sjølvdømmande organ.
Giske meiner at to artiklar som først vart publisert i Adressa, som og vart publisert av fleire andre Schibstedaviser, bryt pressa sine etiske reglar for bruk av anonyme kjelder, punkt 3.2. I V.V.P, skriv VG.
NRK har ikkje lykkast med å få nokon kommentar om klaga frå Trond Giske. Vi har heller ikkje lykkast med å få tak i PFU-klagen.
Sjefredaktør Kirsti Husby i Adresseavisen skriv til NRK at dei har mottatt ei klage og at dei vil behandle denne på vanleg måte. Utover dette ønskjer ho ikkje å kommentere saka ytterlegare.
Giske meiner avisene braut bransjen sitt etiske regelverk då dei skreiv om eit varsel mot han i fjor.
Trond Giske omtalte sjølv saka på Facebook i fjor. Han meinte då at Adressa hadde publisert påstandar dei ikkje kunne dokumentere. Ifølgje klagen som VG skriv om meiner han framleis dette.
Det mykje omtalte varselet kom før årsmøte i Trøndelag Arbeidarparti i fjor. Valkomiteen valte sidan å skrote innstillinga av Trond Giske, som var foreslått som ny leiar i fylkespartiet.
Til helga er det nytt årsmøte i Trøndelag Ap.