For det heile starta i februar då han fann ut at Høgre i Melhus hadde sat han på lista til lokalvalet. Men der ønska ikkje Johansen å stå. No stiller han til val på den tverrpolitiske «Melhuslista».
– Då eg fann ut at eg stod på lista til Høgre, tenkte eg at eg skulle vere med likevel. Men eg takka nei til Høgre, for dei har eg ikkje stemt på, fortel Johansen.
Han meiner også han har nådd ein alder der han er både gamal og nysgjerrig nok.
– Det skjer mykje i Melhus. Særskilt på kultursida, så kvifor skal eg ikkje delta, seier Johansen.
- Les også:
22 namn
Tore Johansen er 2.-kandidat på lista, medan Sigmund Gråbakk er ordførarkandidat. Til saman er det 22 namn på den tverrpolitiske lista.
– Det er vanskeleg å vere ein del av ei partiblokk i kommunepolitikken. Eg er til dømes engasjert i kva som skjer i Øysand, medan andre er interessert i andre deler av kommunen. Me tek sak for sak. Det trur eg er veldig viktig, held han fram.